टाइफाइड बुखार से बचाव के देसी घरेलू इलाज

Typhoid paani dwara sankraman hota hai aur bacteria salmonella typhosa ke karan sharir par bura asar hota hai. Is ka fauran ilaj na karne par paristhiti gambhir ho sakti hai. 

Prathmik chinha main bukhar aata hai jo badhta rehta hai aur saath mein khaansi aur sardard bhi hone lagta hai. Agar samaysar dawai nahin diya gaya to mareez ke aant mein bleeding aur chidra ho jaate hai jo khatarnak sabit ho sakte hai. Aise khatarnak bimari ka treatment karne se to achcha hai ki aap aise kadam uthaye ki aap ko ya aap ke parivar jano ko typhoid ka infection hi na ho. Yeh kaise kare?  Typhoid bukhar se bachaav ke gharelu ilaj is prakar hai: 

Allopathic tarike

• Typhoid infection se bachne ke liye vaccination karva lena theek rehta hai. 
• Gande paani ko na chue aur chua ho to sabun se haath dho le. 
• Kahin par bhi paani na piye. Bottled pani hi piye ya ghar se leke chale.
• Kachche fal aur sabji khaas kar ke baarish ke mausam mein na khaaye.

Gharelu nuskhe typhoid bukhar se bachne ke liye

• Tulsi ka ras, yashtimadhu ka churna, gajwa, shahad  ko paani mein mila ke ubale aur is kaadhe ko din mein 3 baar piye.
• Typhoid ho hi gaya hai aur bukhar aata hai to suryamukhi ke patte ka ras aur tulsi ke patte ka ras mareez ko de. 
• Maathe par thande paani ke pote firate rahiye.
• Pyaj ka ras bhi asarkarak hai agar sardi khaansi ho gaya ho to. 
• Tulsi ke patte, kali mirch, adrak, nimbu chilka sahit, dalchini ka tukda sabhi ko paani mein ubal ke kaadha pee jaaye. Is mein aap pudina ke patte bhi daal sakte hai. 
• Paan ka ras nikale, adrak ka ras nikale aur shahad mein mila ke din mein do baar le. 
• Kachche aam ko ubale aur giri ko chini aur pise hue saunf mila ke sharbat bana ke sevan kare. Yeh prayog garmiyo mein raahat dilata hai. 
• Lehsun ka paste tel mein garam kare aur sendha namak milaye. Ek chamach savere aur ek raat ko mareez ko de. 
• Mareez ko bilkul aaraam karna chaiye. 
• Khaane mein high fibre diet na de. Supachya aahar jaise ki ubla hua doodh aur mosambi juice se fayda milta hai. 
• Mareez ko paani khoob pilana chahiye taki dehydration na ho jaaye. 

In gharelu nuskhe se typhoid bukhar mein raahat milta hai magar ilaj nahin hota hai. Is ke liye doctor se antibiotic treatment jaroor karvaye.

TAGS: #bukhar ka ilaj in hindi #typhoid fever ka ilaj #miyadi bukhar in hindi #typhoid treatment in hindi #typhoid ka desi ilaj #typhoid ka ilaj hindi me #taifaid bukhar #tified ke lakshan in hindi