जानिए सुंदर और आकर्षक दिखने के बेस्ट टिप्स

Har aurat (aur har aadmi) ko sundar dikhne ki ichcha hoti hai. Kudrati saundarya hona sabhi ke bhagya mein nahin hai magar aap jaroor koshish kar sakte hai aapka appearance sudharne mein jis se aap aur akarshak lagenge. Samaj ka niyam hai ki jo akarshak hai voh avkarya hai. Isiliye aap ko thoda sa jyaada sundar dikhne ka koshish karna chahiye. Aajmaaye yeh sundar kaise dikhe uske nuskhe aur aap ke dikhave mein jaroor farak padega. 

Self confidence badhaye

Sirf chehra hi nahin, aap ka personality bhi aap ko sudharna hoga. Aap ka self confidence badhaye kuch naya jaankar, knowledge badhake ya phir koi physical achievement se jaise ki dance, gymnastics, swimming ya anya koi activity jis mein aap ko ruchi ho. 

Posture

Posture aap ke personality ka pratik hai. Erect khade rahiye. Baithe tab bhi jhuk kar na baithe. Relaxed aur erect pose mein baithe to log impress honge aur aap ka image achcha banega. 

Chehra

Chehra ka dekhbhaal avashyak hai. Din mein 2 to 3 baar chehra dhoye aur raat ko khaas kar ke achchi tarah cleanser se saaf karke halka sa moisturizer lagaye. 

Agar tvacha thoda sa shyaam ho to haldi, malai aur nimbu k eras ka mishran ka lep kare. Dry skin ke liye coconut oil uttam hai. Aise hee shahad, kakdi, tamatar aur anya cheezo ke upyog se chehra mein kaafi farak hoga. 

Baal

Baal ko aap ke chehre ke anuroop styling kare. Baal hamesha achchi tarah savare hue hone chahiye. Bikhre baal achche nahin lagenge. Agar aap ke baalo mein safedi aane lagi hai to mehndi ka istemal kare. Coconot oil baalo ke liye shresht hai. Dandruff ho to aloe vera, nimbu ka ras jaise nuskhe apnaaye. Purusho ko apne baal adhik lamba na ho jaaye is ka dhyan rakhe. 

Tvacha

Baahon ke tvacha par baalo ko nikaliye shaving ya waxing karke. Sunscreen lagaye jab aap bahar dhoop mein jaaye aur sharir ko kapde se dhak ke rakhe. Chehre ko bhi dhak le jab dhoop mein jaay. 

Naakhoon

Ladkiyon ko nakhoon badhane ka shaukh hota hai magar aaj me mahol mein adhik lamba nakhoon shobha nahin deta hai. Shaping kariye aur nail polish regularly lagaye. Nail polish ukhda nahin ho uska dhyaan rahe. 

Dress

• Dress ka fitting achcha ho—na jyaada loose, na jyaada tight.
• Dress saaf ho
• Dress ko press karke pehne
• Fashion mein jo style hai use apnaye. 
• Dress ka color aap ke tvacha ke rang ko suit ho yeh dhyaan mein rakhna jaroori hai. 

Speech

Vaani madhur ho to voh vyakti sabhi jagah welcome hai. Isliye baat karne ka tarika polite rakhe aur sabhi ko respect dete rahiye—aap ko bhi respect milega. 

Khurak

• Aahar paushtik ho to chehra par jhalkega. Jo season mein ho vohi fal, sabji, daal aur doodh ka avashya sevan kare.
• Agar aap logo mein interest le, unko sahayroop bane to aap ke liye yeh positive point hai. 
• Plastic surgery karke naak, honth ya aur koi shaping karane se akarshakta badhti nahin hai. Koi defect ho to jaroor yeh sudharta hai. 
• Aage badhiye aur koshish kare. Aap ka personality jaroor akarshak hoga.

TAGS : #gora kaise dikhe #gora kaise bane #beauty tips in hindi #hair care tips in hindi #gora hone ka tarika #Sundar Kaise Dikhe #Smart Kaise Dikhe #Handsome Kaise Dikhe #Beautiful Kaise Dikhe #Khubsurat Kaise Bane