ऐसे निखारिए अपनी त्वचा नमक से - Salt Scrub Benefits in Hindi

Salt scrub ke fayde in hindi : Saundarya prasadhano me kai exotic samagri aap ko milenge aur kai aise hai jo bilkul sadharan aur saste hai magar unka asar kuch kam nahin hai. Aise me ek bejod samagri hai salt yaane namak. Jee haa, apna desi namak bahut upyogi hai tvacha ke dekhbhaal ke liye. Seedha saada salt upyog kare aur ise anya samagri ke saath mila ke. Nuksan koi nahin aur fayda hee fayda hai. 

Jaaniye kaise banaye alag prakar ke salt scrub aur kaise ise upyog kare apne tvacha ki khubsoorti nikharne ke liye. Sirf saada salt yaane namake hee nahin, epsom salt ka bhi aap istemal kar sakte hai. 

Dhyan Rakhe

Namak abrasive hota hai isiliye yeh salt scrub ka upyog halke haatho se hee kare taaki tvacha par scratches na pad jaaye. Har roj salt scrub na kare. Week me 2-3 baar kaafi hai. Scrubbing ke baad koi bhi fruit scrub jaise ki papeeta ya tamatar ya avocado ka scrub kare ya to light moisturizer laga le.

Epsom salt scrub

Epsom salt ek chamach le (na mile to Eeno ka upyog kare) aur chehra dhone ke baad ya nahane ke baad is me thodasa paani mila ke chehre par ungliyo ke sahare gol gol ghise to mrut koshika nikal ke chehra par nikhar aa jaayega. Is ka asar aur badhane ke liye chehre par lagane ke pehle is ke adha chamach nimbu ka ras milaye to kale dhabbe aur muhase mein bhi asarkarak hoga. 

Salt Oil Scrub

Sardiyon me tvacha oily ho jaata hai to aise teli tvacha ke liye scrub banaye namak aur tel ke mishran se. Ek chamach nariyal tel me ek chamach namak mila ke chehre par ghiste rahiye to mrut koshika nikal jaayegi aur tvacha moisturize bhi ho jaayega. Is prayog se chehre par ke kheel muhase bhi kam ho jaayenge. Aap chahe to nariyal tel ke badle badam tel ka upyog kare to chehra aur damakne lagega. 

Namak Aur Shahad

Saada namak aap upyog kare aur is se achcha asar chahiye to sendha namak ka prayog kare. Yeh garmiyon ke liye uttam facial scrub hai. Sendha namak ek chamach aur ek chamach shahad mila ke chehre par ghisne se rang gora ho jaayega aur chehra par glow aa jaayega. 2-3 boond nimbu ka ras daale to aur achcha. 

Oatmeal Scrub Namak Ke Saath

Oatmeal bahut gunkari hai apne chehre par se daag dhabbe aur mrut koshika hatane ke liye. Otameal me namak milaye aur thodas dahi ya to nimbu ka ras le aur chehre par achchi tarah ghiste rahe 10 minute tak. Chahe to is me 2-3 boond badam tel mila le. 

Sirf namak ka upyog kare ya to anya samagri ke saath mila le. Khaas kar ke dead skin cells nikalna ho to namak bahut bejod sabit hota hai......और पढ़े>>

TAGS:#sea salt face scrub #Sea salt scrub for face #epsom salt face scrub in hindi #sea salt face scrub recipe #sea salt scrub recipe for face # sea salt for face scrub in hindi