हस्तमैथुन करने के 10 फायदे - Masturbation Benefits in Hindi

Sadiyo se yeh ek social soch hai ki hastmaithun nuksankarak hai aur buri baat hai. Koi bhi karya adhik kare to jaroor nuksan hota hai aur vyasan ban jaata hai. Magar hastmaithun jo seema mein rehke kare to jaroor nuksan nahin balke purush aur mahilao dono ko fayda milta hai. Jaaniye hastmaithin ke 10 fayde.

Sex Urge ko Satisfy Karta Hai

Jaise bhook lagta hai aur vyakti khana khaata hai aise sex bhi ek prakar ka bhook hai. Physical condition ke adhar par aur genetic trait ke anusar alag alag vyakti me yeh teevra ya mand hota hai. Hafte me ek ya do baar agar purush ya mahila hastmaithun kare to is mein koi buri baat nahin hai. Hastmaithun ka fayda yeh hai ki sex ki ichcha hoti hai to ise mita deta hai. Dimag me agar yehi vihcar ghoomta rahega to vyakti aur kuch kaam par focus nahin kar payega. Hastmaithun se sex relief milta hai aur voh apne aur karya me poora dhyan de sakta hai. 

Shighrapatan Mitaye

Purusho me shighrapatan aam baat hai. Couples me agar purush ka jaldi se skhalan ho jaata hai to relationship bigadta hai aur mahila frustrate ho jaati hai. Purush agar hastmaithun kare aur stop-go tehnique apnaye to sthambhan shakti badh jaati hai hasmaithun se. 

Prostate Cancer se Suraksha

Aise kai log hai jo salah dete hai ki sex hafte me ek baare hee kare. Shadi shuda na ho to sex bilkul na kare. Aisa soch hai ki virya skhalan se purush kamjor ho jaata hai. Magar yeh sex ko rok ke rakhne se prostate inactive rehta hai aur aage jaake prostate cancer ho sakta hai. Regular hastmaithun kare to single men mein prostate cancer ki sambhavna kam ho jaati hai. 

Ling Majboot Rehta Hai

Ling me muscles aur blood vessels hai. Is ka upyog na kare to yeh kamjor ho jaate hai. Hastmaithun hafte me 2 baar bhi kare to ling ko uttejit hone ki kshamta aur erectile powers barkarar rehti hai. 

Shukranu aur Virya ki Maatra Bani Rehti Hai

Virya ko sangrah karne me fayda nahin hai. Aise bhi agar virya jama ho jaaye to sharir use bahar nikal deta hai. Regular hastmaithun se virya ki maatra bani rehti hai aur shukranu ka quality bhi improve hote rehta hai. 

Sardi Jukam mein Fayda

Research me yeh dekha gaya hai ki jo purush aur mahile regular hastmaithun karte hai un ke sharir me soojhan kam rehti hai aur unhe sardi, jukham aur aise allergic bimariyo se rakshan milta hai. 

Hastmaithun Jyada Anand Dayak Hai

Sex ke peeche log pagal honge magar yugal me tal mel ho tabhi sex anand dayi hota hai nahin to ek partner khush aur doosra frustrated ho jaata hai aur yeh mental tension create karta hai. Hastmaithun ka matlab hai apne aap ko khush karna aur aap chahe is tarike se, jab chahe tab karenge aur poora santosh milega. Yeh mahila aur purush dono ko lagu hota hai. 

Tanav aur Depression Mukt Kare

Sexual dissatisfaction se aur jeevan ke anya kaaran se tanav aur depression badhta hai. Niyamit hastmaithun kare to brain me “feel good” chemical release hota hai aur aap depression aur tanav se mukt rehte hai. 

Immunity Badhta Hai

Kyonki hastmaithun kar ke charam seema par pahunchne se hormones release hote hai jo aap ke dimag ko khush rakhte hai to yehi hormone ke kaaraan immunity bhi majboot hota hai. 

Pregnancy aur STD se Bachav Kare

Mahila agar sex kare to us ke liye sabse jyada chinta ki baat hai pregnancy jo use nahin chahiye. Aise mein hastmaithun se garbh theherne ke koi khatra nahin rehta hai. Doosri chinta ki baat hai sexually transmitted disease. Treatable infection ho to theek hai magar HIV lag jaaye to jindagi barbaad ho jaati hai aur death sentence ho jaata hai, purush ho ya mahila. Is se to behtar hai ki hastmaithun se kaam chala le. 

Agar kisi ne yeh kaha hai ki hastmaithun se andhe ho jaate hai, haatho par baal ug aate hai aur kamjor ho jaate hai ya to buddhi kam ho jaati hai to yeh sab galat faimi hai. Seema me rehke hastmaithun karne me fayde jyada hai agar aap ko sahi sex partner nahin hai.